ŚMI paviedamili ab śmierci 15 čałaviek ad nieviadomaj chvaroby ŭ Tanzanii
U Tanzanii pa mienšaj miery 15 čałaviek pamierli i bolš za 50 trapili ŭ balnicu z-za zaražeńnia nieviadomaj infiekcyjaj, paviedamlajuć infarmahienctvy sa spasyłkaj na pradstaŭnikoŭ achovy zdaroŭja krainy.
Pa słovach daktaroŭ, hetaja chvaroba pakul nie mocna pašyranaja, uspyška adbyłasia tolki ŭ adnoj administracyjnaj akruzie, dzie ludziej vanitavała kryvioju i jany pamirali, kali pozna traplali ŭ balnicu.
Pieršapačatkovaje abśledavańnie pakazała, što pacyjenty, u asnoŭnym mužčyny, pakutavali ad jazvy straŭnika i zachvorvańniaŭ piečani.
Ministr achovy zdaroŭja Tanzanii nakiravaŭ u rehijon hrupu ekśpiertaŭ. Miedyki pavinny vyśvietlić pryčyny ŭspyški zachvorvańnia i ŭziać uzory dla daśledavańnia.
U śniežni hazieta The Hindu paviedamiła, što ŭ indyjskim štacie Andchra-Pradeš adzin čałaviek pamior ad nieviadomaj chvaroby, i jašče 315 čałaviek byli špitalizavanyja ź simptomami taho ž zachvorvańnia. Pavodle infarmacyi vydańnia, u pacyjentaŭ nazirałasia hałavakružeńnie, hałaŭny bol i simptomy epilepsii. Vyniki testaŭ na karanavirus u ich byli admoŭnyja.