U Amierycy 20-hadovaha chłopca zastrelili padčas insceniroŭki abrabavańnia dla YouTube
20-hadovy Cimaci Uiłks byŭ zastreleny padčas «žartaŭlivaha» abrabavańnia, jakoje jon chacieŭ źniać dla YouTube.
Fota Depositphotos.com
Pa słovach śviedak, Cimaci Uiłks i jaho siabar padyšli da hrupy ludziej kala batutnaha parku ŭ Nešvile z nažami. Paśla hetaha Uiłks byŭ zastreleny 23-hadovym chłopcam, jaki skazaŭ palicyi, što nie viedaŭ pra rozyhryš i dziejničaŭ u metach samaabarony, piša BBC.
Siabar Cimaci Uiłksa pierakonvaje palicyju, što jany chacieli źniać rozyhryš dla YouTube.
Palicyja nikoha nie aryštavała ŭ suviazi sa śmierciu chłopca.
Videa fejkavych abrabavańniaŭ adnosna raspaŭsiudžanyja na YouTube, časta z padrobnaj zbrojaj i bałakłavami. Niekatoryja z takich videa źbirajuć miljony prahladaŭ.
Dva hady tamu YouTube ŭvioŭ praviły, jakija zabaraniajuć žarty, niebiaśpiečnyja dla žyćcia. Zhodna z hetymi praviłami, videa rozyhryšaŭ, u tym liku falšyvych abrabavańniaŭ, YouTube pavinien vydalać.
Hetyja praviły byli ŭviedzienyja paśla vypadku ŭ 2017 hodzie, kali 19-hadovaja dziaŭčyna zastreliła svajho chłopca praz toŭstuju knihu. Maładyja ludzi dumali, što kniha spynić kulu. Praz 10 miesiacaŭ paśla hetaha vypadku YouTube zabaraniŭ niebiaśpiečnyja rozyhryšy.