Piaskoŭ apisaŭ vyrasłuju śmiarotnaść słovami «surovaja realnaść pandemii»
U Rasii sapraŭdy prykmietna vyrasła śmiarotnaść na fonie pandemii, ale heta — «surovaja realnaść», ź jakoj sutyknulisia ŭsie krainy śvietu. Pra heta zajaviŭ pres-sakratar prezidenta Dźmitryj Piaskoŭ, piša RBK.
«Naša sistema achovy zdaroŭja spracavała sapraŭdy vielmi efiektyŭna i dakazała svoj mabilizacyjny vysoki patencyjał i nadziejnaść. A pavyšanaja śmiarotnaść źjaviłasia praktyčna va ŭsich krainach śvietu ŭ 2020 hodzie, i, na žal, uzrovień hetaj śmiarotnaści vyšejšy, čym dapuščalny. Ale heta surovaja realnaść pandemii, tamu ź joj, na žal, sutyknulisia ŭsie krainy śvietu», — skazaŭ Piaskoŭ.
Piaskoŭ padkreśliŭ, što pavyšanaja śmiarotnaść była vyklikanaja nie tolki samim COVID-19, ale i jaho nastupstvami.
Razychodžańni ŭ danych ab zachvorvańni i śmiarotnaści, jakija pastupajuć z rehijanalnych apieratyŭnych štaboŭ, Piaskoŭ patłumačyŭ «śpiecyfikaj rehijonaŭ».
«Ja nie biarusia vam davać dakładnyja matematyčnyja tłumačeńni, prapanuju zychodzić z taho, što ŭžo było skazana [vice-premjeram pa pytańniach sacyjalnaj palityki] Taćcianaj Holikavaj», — skazaŭ na zakančeńnie jon.