30-hadovaja ekstrasens z Drybina niebanalnymi sposabami raźviała 48 čałaviek na 72 tysiačy rubloŭ
Pavodle viersii abvinavačvańnia, usio adbyvałasia na praciahu amal troch hadoŭ — z žniŭnia 2017 hoda pa maj 2020 hoda, paviedamlaje Hienprakuratura.
Dziaŭčyna zavodziła ŭ sacyjalnych sietkach vydumanyja ankiety i raźmiaščała abjavy ab akazańni mahičnych pasłuh. Potym niby dla praviadzieńnia abradaŭ i rytuałaŭ jana prapanoŭvała svaje pasłuhi i pierakonvała pieradać joj hrošy nibyta na kuplu nieabchodnych materyjałaŭ, a taksama ŭ jakaści płaty za samu pasłuhu.
A kali ŭ čałavieka nie było hrošaj, jana prapanoŭvała kupić u rasterminoŭku dla jaje mabilnyja telefony abo bytavuju techniku.
Akramia taho, jana raźmiaščała ŭ internecie abjavy ab prodažy tavaraŭ, jakich u jaje nie było. Paśla taho jak achviara pieravodziła hrošy, pierapiska skančałasia.
Potym žančyna prydumała raźmiaščać abjavy pra navučańnie zarobku ŭ internecie na płatnaj asnovie.
Joj pieravodzili hrošy, a jana pierasyłała achviary spasyłku na videaroliki, jakija i tak byli ŭ svabodnym dostupie.
U vyniku jana padmanuła 48 čałaviek, vymaniŭšy ŭ ich 72 300 rubloŭ.
U chodzie sudovaha razboru jana pryznała svaju vinu ŭ poŭnym abjomie, častkova kampiensavała pryčynienuju paciarpiełym škodu.
U vyniku sud vynies joj abvinavaŭčy prysud: 3 hady 6 miesiacaŭ kałonii ahulnaha režymu, a jašče štraf 2900 rubloŭ.