Hienprakuratura nakiravała ŭ Rasiju zapyt ab vydačy Alaksieja Kudzina
Hienprakuratura Biełarusi nakiravała na adras Hienprakuratury Rasii prośbu ab vydačy bajca MMA Alaksieja Kudzina dla pryciahnieńnia da kryminalnaj adkaznaści, paviedamlaje Rehijanalnaja hazieta.
Fota Nastaśsi Utkinaj
Kryminalnaja sprava pa abvinavačvańni Kudzina pa častcy 2 artykuła 363 KK Respubliki Biełaruś znachodzicca ŭ vytvorčaści suda Maładziečanskaha rajona. Jamu inkryminavana «supraciŭleńnie supracoŭniku orhanaŭ unutranych spraŭ i inšaj asobie pry vykanańni imi abaviazkaŭ pa achovie hramadskaha paradku, spałučany z užyvańniem hvałtu».
Kudzin nie źjaviŭsia ŭ sudovaje pasiadžeńnie ŭ Maładziečnie i byŭ abjaŭleny sudom u vyšuk. 21 studzienia jaho zatrymali ŭ Rasii.