116-hadovaja francuzskaja manaška pierachvareła na karanavirus
Francuzskaja manaška Lusil Randon — samy stary čałaviek u Jeŭropie. Za niekalki dzion da svajho 117-hodździa jana pierachvareła na kavid.
Fota BBC
Test na karanavirus pakazaŭ stanoŭčy vynik, ale nijakich simptomaŭ u manaški nie było. Pa jaje słovach, jana navat nie padazravała, što chvoraja.
Ciapier Lusil Randon izalavanaja ad astatnich žycharoŭ doma sastarełych u Tułonie, što na poŭdni Francyi. Miedycynskaja dapamoha joj nie spatrebiłasia, i manaška ŭžo ličycca zdarovaj, paviedamlaje BBC.
Lusil Randon stała manaškaj u 1944 hodzie, paśla čaho jaje pačali zvać siastroj Andre.
Siastra Andre ślapaja, tamu vymušanaja pierasoŭvacca ŭ vazku.
Lusil Randon naradziłasia 11 lutaha 1904 hoda. Jana źjaŭlajecca nie tolki samym pažyłym žycharom Jeŭropy, ale i druhim najstarejšym čałaviekam u śviecie.