«Małady, paryvisty supracoŭnik». Pasoł Rasii vykazaŭsia ab kanflikcie pra Kaściušku i paabiacaŭ schadzić na vystavu pra jaho los
Pasoł Rasii ŭ Biełarusi Dźmitryj Mieziencaŭ adreahavaŭ u intervju RIA Novosti na kanflikt, źviazany z kamientarami instagram-akaŭnta pasolstva Rasii ŭ Biełarusi ab roli nacyjanalnaha hieroja Tadevuša Kaściuški.
Raniej Nacyjanalny histaryčny muziej Biełarusi ŭ svaim akaŭncie ŭ Instagram vykłaŭ post, pryśviečany 275-hodździu sa dnia naradžeńnia Tadevuša Kaściuški. Biełaruskim hramadstvam niehatyŭna byŭ uspryniaty kamientar z akaŭnta pasolstva ŭ Instagram muzieja z nahody roli Kaściuški ŭ historyi Biełarusi.
«Adzin z maładych supracoŭnikaŭ pasolstva, jaki cikavicca historyjaj, paryvisty i pa-svojmu śmieły, z «postsavieckaha pakaleńnia», paličyŭ mahčymym vykazać svajo asabistaje mierkavańnie ŭ dopisie Nacyjanalnaha histaryčnaha muzieja. Jon bačyć u hetym svaju asabistuju pazicyju», — skazaŭ Mieziencaŭ.
Mieziencaŭ padkreśliŭ, što «sprečka — jašče adno paćvierdžańnie taho, nakolki vialikaje značeńnie skazanaha słova». «U kožnym hramadstvie jość ludzi, jakija majuć roznyja punkty hledžańnia, heta važna i naturalna, ale taksama važna być pamiarkoŭnym, pavažać mierkavańnie inšych i nie chapacca za «chałodnuju zbroju», jakaja zachoŭvajecca i ŭ histaryčnych muziejach, kab «siekčy» naprava i naleva. Raźličvaju ŭ najbližejšy čas pabyvać razam z kalehami ŭ Nacyjanalnym histaryčnym muziei, aznajomicca ź dziasiatkami ekspazicyj, u tym liku i z vystavaj, pryśviečanaj losu Kaściuški», — padsumavaŭ Mieziencaŭ.
Skandalny kamientar rasijskaha pasolstva, jak i dopis sa skandalnaj cytataj Kaściuški, dahetul nie vydalenyja i raźmieščanyja ŭ instahramie.