Praŭładnyja sacyjołahi: Biełarusaŭ zadavalniaje ciapierašniaja kanstytucyja
Kala 60% biełarusaŭ ličać, što dziejnaja Kanstytucyja adpaviadaje hramadskim zapytam. Ab hetym zajaviŭ siońnia žurnalistam dyrektar praŭładnaha analityčnaha centra EcooM Siarhiej Musijenka, kamientujučy vyniki tak zvanaha «sacyjałahičnaha daśledavańnia», paviedamlaje BiełTA.
«Bazavyja pytańni byli: jak vy ličycie, ci adpaviadaje dziejnaja Kanstytucyja patrebam hramadstva i dziaržavy? Na hetaje pytańnie stanoŭča adkazali 57,8% respandentaŭ, admoŭna — 27,3%», — skazaŭ dyrektar analityčnaha centra.
Paviedamlajecca i ab telefonnym apytańni. Jaho danyja trochi adroźnivajucca. «60,1% ličyć, što dziejnaja Kanstytucyja adpaviadaje hramadskim zapytam. U pryncypie, ja taksama tak liču, heta majo subjektyŭnaje mierkavańnie. Ale, akazvajecca, jaho padzialaje bolšaść žycharoŭ krainy», — adznačyŭ Siarhiej Musijenka.