IT-kampanija Andersen pieraniesła štab-kvateru ź Minska ŭ Kijeŭ
Dev.by zaŭvažyŭ, što na sajcie kampanii Andersen u jakaści hałoŭnaha ofisa ŭkazany kijeŭski (raniej takim ličyŭsia ofis u Minsku), a taksama adkrytyja vakansii dla raspracoŭščykaŭ u Krakavie. U Andersen prakamientavali.
dev.by
«Štab-kvatera dla nas — heta dosyć farmalnaje paniaćcie. Unutry kampanii my ličym, što ofisy raŭnapraŭnyja. Kijeŭ ukazali bolš dla spakoju klijentaŭ.
U Krakavie Ofis raspracoŭki źjaviŭsia paru miesiacaŭ tamu, ale pakul zusim nievialiki — arandujem kavorkinh. Pakul što tam pracujuć tolki miascovyja, ale ŭ pierśpiektyvie buduć rełakiejty ź inšych našych ofisaŭ», — paviedamili dev.by u kampanii.
Pa słovach pradstaŭnikoŭ Andersen, farmalny pieranos štab-kvatery ź Minska ŭ Kijeŭ adbyŭsia kala troch miesiacaŭ tamu. U Biełarusi ŭ Andersen pracuje bolš za 500 supracoŭnikaŭ.
Za apošnija paŭhoda minimum 15 biełaruskich IT-kampanij adkryli ofisy va Ukrainie, Polščy i Litvie. Siarod ich EPAM, Wargaming, Flo, Godel Technologies.