Mierkiel zajaviła ab treciaj chvali epidemii ŭ Hiermanii
Kancler Hiermanii Anhieła Mierkiel na pasiadžeńni parłamienckaj frakcyi CHDS/CHSS zajaviła ab pačatku treciaj chvali epidemii ŭ Hiermanii, paviedamlaje DW.
«My nie možam zapluščvać vočy na toj fakt, što majem spravu z treciaj chvalaj», — skazała kiraŭnik niamieckaha ŭrada.
Pry hetym jana pakazała, što ŭ vypadku, kali ŭ Hiermanii pačała raspaŭsiudžvacca «paŭdniovaafrykanskaja» mutacyja karanavirusa, jość niebiaśpieka taho, što najaŭnyja vakcyny buduć niedastatkova efiektyŭnyja. U suviazi z hetym jana zaklikała ŭstrymacca ad značnych pasłableńniaŭ łakdaŭnu na fonie ŭźniknieńnia novych mutacyj karanavirusa.
Mierkiel pry hetym kankretyzavała svaje ŭjaŭleńni ab tym, jak mienavita varta zdymać abmiežavańni ŭ troch śfierach — sacyjalnyja kantakty, adukacyjnyja ŭstanovy i roznyja vobłaści ekanomiki, u tym liku kramy, restarany i hateli.