Italija zabłakavała pastaŭki vakcyny AstraZeneca ŭ Aŭstraliju. Samim nie chapaje
Italjanskija ŭłady zabłakavali ekspart u Aŭstraliju bujnoj partyi vakcyny ad karanavirusa, raspracavanaj brytanska-šviedskaj farmkampanijaj AstraZeneca sumiesna z Oksfardskim univiersitetam, paviedamlaje RBK.
Havorka idzie pra partyju ŭ 250 tys. doz, vyrablenych na zavodzie AstraZeneca ŭ Italii. Pavodle źviestak FT, Rym paviedamiŭ ES ab svaim rašeńni na minułym tydni ŭ ramkach miechanizmu kantrolu za ekspartam preparataŭ, Jeŭrakamisija jaho padtrymała.
Ministerstva zamiežnych spraŭ Italii zajaviła, što pajšło na hety krok z-za deficytu preparataŭ u Jeŭropie, a taksama z-za zatrymak pastavak AstraZeneca.
Na dumku kiraŭnika viedamstva, Aŭstralija znachodzicca ŭ «dobrym» stanoviščy ŭ paraŭnańni z krainami ES.
MZS taksama ličyć, što partyja vakcyny, pryznačanaja na ekspart, zanadta vialikaja ŭ paraŭnańni z kolkaściu doz preparata, pastaŭlenych u Italiju i inšyja krainy ES.