Milicyja pierakryła kanał pastaŭki biełarusak dla prastytucyi ŭ Rasiju
22-hadovy minčuk vierbavaŭ dziaŭčat dla zaniatku prastytucyjaj za miažoj. Na jaho vyjšli apieratyŭniki ŭpraŭleńnia «noravaŭ» staličnaj milicyi, paviedamlaje pres-słužba MUS.
Małady čałaviek znajomiŭsia ź dziaŭčatami na sajtach intym-znajomstvaŭ i prapanoŭvaŭ im pajechać «na zarobki» ŭ Maskvu.
Atrymaŭšy zhodu, zatrymany adpraŭlaŭ zakazčykam fota i źviestki klijentak, a zatym arhanizoŭvaŭ ich vyjezd u Rasiju. Na miescy «tavar» sustrakali zmoŭščyki biełarusa.
Za kožnuju dziaŭčynu viarboŭščyku abiacali 7000 rasijskich rubloŭ (kala 250 biełaruskich). Jon paśpieŭ uhavaryć traich, ale adpravić rabotnic pieraškodziła milicyja.