Vykarystańnie AstraZeneca prypynili i na jaje «radzimie»
Šviecyja prypyniła vykarystańnie vakcyny ad karanavirusa vytvorčaści šviedska-brytanskaj AstraZeneca ŭ jakaści miery zaściarohi da vyśviatleńnia situacyi z pabočnymi efiektami ad prymianieńnia preparata. Pra heta paviedamlaje šviedskaje ahienctva achovy zdaroŭja, piša RBK.
RBU-Ukraina
Vykarystańnie preparata budzie prypyniena da zaviaršeńnia rasśledavańnia mahčymych pabočnych efiektaŭ Jeŭrapiejskim ahienctvam pa lekavych srodkach (EMA). Padčas hetaha rasśledavańnia płanujecca vyśvietlić, ci źviazanyja vypadki trambozu ŭ vakcynavanych z pryščepkaj.
«Važna prypynić vakcynacyju da taho času, pakul EMA nie vyśvietlić, ci mohuć hetyja vypadki być źviazanyja z vakcynacyjaj», — skazaŭ dziaržaŭny epidemijołah Anders Tehnieł.
U šviedskim viedamstvie adznačyli, što vakcyna AstraZeneca zabiaśpiečvaje dobruju abaronu ad karanavirusa, a ahulnaja kolkaść uviedzienych doz składaje 17 młn.
U samoj Šviecyi nie paviedamlałasia ab pabočnych efiektach preparata.