Kiraŭnicu «Polskaj škoły» ŭ Breście pakinuli pad vartaj paśla 72 hadzin zatrymańnia
Dyrektarka bresckaj inicyjatyvy «Polskaja škoła» Hanna Panišava nie vyjšła na volu ź izalatara paśla 72 hadzin z momantu zatrymańnia. Pavodle pravaabaroncaŭ, jaje pieraviali ŭ SIZA №7, piša Radyjo Svaboda.
Hanna Panišava viartałasia aŭtobusam z Polščy ŭ Biełaruś 12 sakavika i była zatrymanaja. Pierad hetym byŭ zatrymany suzasnavalnik arhanizacyi.
Padstavaj stała «niezakonnaje masavaje mierapryjemstva» u pamiać ab «praklatych žaŭnierach» 28 lutaha ŭ pamiaškańni, jakoje arandujuć Brescki forum polskich łakalnych inicyjatyvaŭ i arhanizacyja «Polskaja škoła».
Kryminalnuju spravu raspačali 10 sakavika pa fakcie ŭčynieńnia hrupaj asob naŭmysnych dziejańniaŭ pavodle nacyjanalnaj, relihijnaj, moŭnaj prynaležnaści i reabilitacyi nacyzmu (č. 3 art. 130 KK). Sankcyja kryminalnaha artykuła praduhledžvaje ad 5 da 12 hadoŭ pazbaŭleńnia voli.
Aficyjny Minsk zajaviŭ, što ŭdzielniki ŭšanoŭvali pamiać vajskovaha złačyncy Ramualda Rajsa «Buraha», čyje bajcy spalili na Biełastoččynie piać biełaruskich viosak i zabili dziasiatki žycharoŭ.
Za ŭdzieł u imprezie ź Biełarusi vysłali polskaha konsuła Ježy Cimafiejuka. Varšava adkazała adpaviednymi kontrazachadami, paśla čaho biełaruski MZS vydvaryŭ jašče dvuch supracoŭnikaŭ kansułatu ŭ Hrodnie. Polšča zrabiła toje ž samaje.