«Z raskošy šalejuć, zajmajucca ŭsiakim hłupstvam». U Minsku zatrymali ajcišnika, jakoha abvinavačvajuć u finansavańni pratestaŭ
MUS paviedamlaje, što «ŭ Minsku zatrymany ŭdzielnik žnivieńskich biesparadkaŭ — sponsar pratestaŭ». U prymacavanym videa mužčyna raskajvajecca, nazyvaje svoj zarobak i kaža, što ajcišniki «z raskošy šalejuć».
Mužčyna pracavaŭ inžynieram-prahramistam u viadomaj IT-kampanii i «pieraličvaŭ hrošy dla finansavańnia pratestaŭ». Akramia taho, zatrymany kansultavaŭ pradstaŭnikoŭ redakcyi telehram-kanała, pryznanaha ŭ Biełarusi ekstremisckim, rekamiendujučy najbolš biaśpiečnyja i ananimnyja sposaby zboru hrošaj dla padtrymańnia pratesnaj aktyŭnaści, śćviardžaje MUS.
— Zarabotnaja płata ŭ miesiac — 3820 dalaraŭ u pieraliku na rubli, — kaža mužčyna.
«Va ŭčynienym raskajvajusia. Na maju dumku, pratesny ruch padtrymlivaje vielmi vialikaja častka IT-supolnaści tolki tamu, što ŭ ich usio vielmi, vielmi, vielmi, vielmi dobra, i jany z raskošy šalejuć. Heta adzinaja pryčyna, čamu jany ŭdzielničajuć va ŭsim hetym. Kali b jany žyli jak bolšaść inšych biełarusaŭ, jany b bolš heta šanavali. A pakolki im bolš niama čaho šanavać, jany i zajmajucca usiakim hłupstvam», — kaža mužčyna.