Amierykanskaja raźviedka: Rasija pierad vybarami pravodziła kampaniju pa ačarnieńni Bajdena
Ułady Rasii padčas prezidenckich vybaraŭ u ZŠA 2020 hoda arhanizavali kampaniju pa «ačarnieńni» kandydata ad Demakratyčnaj partyi Džo Bajdena. Pra heta havorycca ŭ dakładzie ofisa dyrektara Nacyjanalnaj raźviedki ZŠA.
Rasijskaje kiraŭnictva pravodziła apieracyi, nakiravanyja na padryŭ hramadskaha davieru da vybarčaha pracesu, akazańnie padtrymki Donaldu Trampu i abvastreńnie sacyjalna-palityčnych roznahałośsiaŭ u ZŠA. Jak miarkujuć aŭtary dakłada, hetyja dziejańni sankcyjanavaŭ prezident Rasii Uładzimir Pucin.
Pry hetym u dakładzie padkreślivajecca, što raźviedka nie zafiksavała kibieratak z boku Rasii na infrastrukturu praviadzieńnia vybaraŭ.