ES nie pabačyŭ pryčyn zabaraniać vakcynu AstraZeneca
Jeŭrapiejskaje ahienctva lekavych srodkaŭ (EMA) nie vałodaje na hety momant dokazami taho, što vakcyna ad COVID-19 brytanska-šviedskaha kancerna AstraZeneca i Oksfardskaha univiersiteta moža vyklikać zachvorvańnie na tramboz. Pra heta zajaviła kiraŭnik EMA Emier Kuk na pres-kanfierencyi ŭ aŭtorak, 16 sakavika, piša Deutsche Welle.
Jak adznačyła Emier Kuk, kolkaść vypadkaŭ prajavy takich pabočnych efiektaŭ nievialikaja ŭ paraŭnańni z ahulnaj kolkaściu pryščeplenych i pieravahi preparata pieravyšajuć ryzyki.
Kiraŭnik EMA adznačyła, što vypadki zachvorvańnia na tramboz byli vyjaŭlenyja nie ŭ časie kliničnych vyprabavańniaŭ vakcyny i nie ličacca ŭ śpisie jaje mahčymych pabočnych efiektaŭ.
Kamitet EMA pa biaśpiecy vakcyn raniej dniom abmierkavaŭ vypadki trambozu paśla pryščepki AstraZeneca i maje namier padać svaje zaklučnyja vysnovy da śpiecyjalnaha pasiadžeńnia, pryznačanaha na 18 sakavika.
Ekśpierty EMA «prakansultujuć nas z nahody taho, ci pavinny być pryniaty ŭ dalejšym jakija-niebudź miery», patłumačyła Kuk.