Tramp zajaviŭ ab žadańni bałatavacca ŭ prezidenty z-za Miehan Markł
Były amierykanski prezident Donald Tramp na fonie paviedamleńniaŭ ab tym, što hiercahinia Sasekskaja Miehan Markł maje namier bałatavacca ŭ prezidenty ZŠA, zajaviŭ pra hatoŭnaść vyłučyć svaju kandydaturu na nastupnych vybarach kiraŭnika dziaržavy, piša RBK.
Trampa ŭ efiry Fox News paprasili prakamientavać infarmacyju ab tym, što Markł nibyta razhladaje takuju mahčymaść i sustrakałasia z pradstaŭnikami demakratyčnaj partyi. Na heta eks-prezident skazaŭ: «Ja spadziajusia, što tak i budzie. Kali heta adbudziecca, to ja jašče budu bolš schilny da taho, kab bałatavacca».
Razam z tym Tramp adznačyŭ, što jon nie źjaŭlajecca «fanatam» Markł z-za jaje vykazvańniaŭ ab karaleŭskaj siamji i karalevie Vialikabrytanii Lizaviecie II. «Ja dumaju, ja viedaju Karalevu. <…> Ja sustrakaŭsia z karalevaj, i ja dumaju, što karaleva vydatnaja asoba, i ja nie prychilnik Miehan», — skazaŭ jon.