Na Mižnarodnaj kaśmičnaj stancyi z dapamohaj čainak vyjavili mahčymaje miesca ŭciečki pavietra
Ekipaž Mižnarodnaj kaśmičnaj stancyi (MKS) z dapamohaj čainak vyjaviŭ mahčymaje miesca ŭciečki pavietra ŭ rasijskim moduli «Zorka».
Pra heta paviedamlajuć infarmahienctvy sa spasyłkaj na pieramovy kasmanaŭtaŭ ź Ziamloj, jakija tranśluje NASA.
Kali na MKS zafiksavali ŭciečku, śpiecyjalisty Centra kiravańnia palotami (CKP) paraili kasmanaŭtam rassypać u biazvažkaści harbatu. I mnostva čainak sabrałasia kala adnaho z troch mahčymych miescaŭ uciečki.
Raskolinu daŭžynioj 22 mm i šyrynioj 0,1 mm daśledavali z dapamohaj mikraskopa, a zatym zamazali śpiecyjalnym hiermietykam i zakleili ftarapłastavaj plonkaj.