U Sankt-Pieciarburhu druhi dzień haryć histaryčny budynak, jaho hasiać niekalki socień pažarnych
U MNS RF paviedamili, što tušeńnie pažaru na «Nieŭskaj manufaktury» praciahvajecca. U likvidacyi nastupstvaŭ zadziejničany bolš za 350 čałaviek i 73 adzinki techniki, piša TASS.
Fota: vk.com/spb_today
Kala 23.00 12 krasavika ranh składanaści pažaru pastupova pačali panižać: z maksimalnaha ŭzroŭniu składanaści, piataha, da treciaha.
Paviedamleńnie ab pažary na «Nieŭskaj manufaktury» pastupiła ŭ 12.35 12 krasavika, nahadvaje Tut.by. Pažar achapiŭ płošču 10 tysiač kvadratnych mietraŭ. Ahoń pašyryŭsia na čatyry pavierchi, tam abrynuŭsia dach i pierakryćci. Situacyju ŭskładniaŭ mocny viecier i chutkaje raspaŭsiudžvańnie ahniu pa draŭlanych kanstrukcyjach.
Z budynka evakujavali 40 čałaviek. Paźniej ahoń pierakinuŭsia na dach susiedniaha budynka: z pałajučaha chosteła evakujavali 50 čałaviek. Pavodle papiarednich źviestak, pryčynaj pažaru mahło stać karotkaje zamykańnie ŭ elektraščytavoj.
Padčas tušeńnia pažaru zahinuŭ 31-hadovy kamandzir źviana MNS, jašče dvoje ratavalnikaŭ znachodziacca ŭ balnicy ŭ ciažkim stanie.
«Nieŭskaja manufaktura» — kompleks pabudoŭ fabryki Tavarystva vaŭnianych vyrabaŭ «Torntan». Źjaŭlajecca abjektam kulturnaj spadčyny rehijanalnaha značeńnia (druhaja pałova XIX stahodździa). U budynku raźmieščany biznes-centr.