Pientahon ab vojskach Rasii na miažy z Ukrainaj: Bolš, čym u 2014 hodzie
Pradstaŭnik Pientahona Džon Kirbi zajaviŭ, što kancentracyja vojskaŭ Rasii na ŭkrainskaj miažy navat bolšaja, čym u 2014 hodzie.
«Heta najbolšaje naroščvańnie sił, jakoje my bačyli z 2014 hoda, jakoje pryviało da parušeńnia suvierenitetu i terytaryjalnaj cełasnaści Ukrainy. Jano sapraŭdy bolšaje, čym u 2014 hodzie», — skazaŭ amierykanski čynoŭnik.
Kirbi admoviŭsia ahučyć, kolki rasijskich sałdat znachodzicca na miažy. Pavodle jaho słoŭ, rasiejcy zajaŭlali, što meta kancentracyi vojskaŭ — heta «treniroŭki», ale dla ZŠA nie vidavočna, što meta zaklučajecca mienavita ŭ hetym.