Babrujčanin skraŭ aŭtamabil, jaki ramantavaŭ, trapiŭ u avaryju, a zatym zajaviŭ u milicyju ab źniknieńni mašyny
17 krasavika babrujčanin źviarnuŭsia ŭ milicyju z zajavaj ab kradziažy aŭtamabila «Fijat», paviedamlaje UUS Mahiloŭskaha abłvykankama.
Jak akazałasia, aŭtamabil znachodzicca ŭ ramoncie, kudy ŭładalnik «Fijata» pa paradzie susiedskaha chłopca zdaŭ aŭto. 22-hadovy babrujčanin akazaŭ hetuju pasłuhu i źbiraŭsia viarnuć adramantavany «Fijat» uładalniku. Adnak napiaredadni viečaram da jaho ŭ haraž, dzie jon ramantavaŭ aŭto, pryjšli pryjacieli, a paśla paprasili siabra padvieźci ich. Małady čałaviek vykanaŭ ich prośbu, voś tolki, kali viartaŭsia nazad, nie spraviŭsia z kiravańniem i ŭrezaŭsia ŭ bietonnuju łavačku. Babrujčanin spałochaŭsia, što raźbiŭ čužuju mašynu, tamu vyrašyŭ kinuć jaje i samastojna viarnuŭsia dadomu, kab padumać, jak vybłytacca ź situacyi, što skłałasia.
Na nastupny dzień jon vyrašyŭ napisać zajavu ŭ milicyju ab kradziažy aŭtamabila, jaki sam ža raźbiŭ. Da taho času «Fijat» užo vyjaviła DAI i adpraviła na achoŭnuju stajanku.
Zaviali kryminalnuju spravu.