1,5 hoda chimii i kanfiskacyja iPhone. U Hrodnie za post u sacyjalnych sietkach asudzili žančynu
Anastasiju Kałamiejčanka sudzili 20 krasavika ŭ sudzie Kastryčnickaha rajona za abrazu milicyjantki. Sudździa Marharyta Łancevič prysudziła hrodziency 1,5 hoda chatniaj chimii. U jaje taksama kanfiskujuć srodak ździajśnieńnia pravaparušeńnia — iPhone, piša Hrodna.life.
Anastasiju Kałamiejčanka asudzili pa art. 369 KK — abraza pradstaŭnikoŭ ułady. U svaich sacyjalnych sietkach Anastasija raźmiaściła post z fotazdymkam supracoŭnicy hrodzienskaha AMAPa Darji Bandarčuk. Sudździa paličyła, što źmiest pasta abražaje milicyjantku.
U Anastasii dvoje dziaciej — 5 i 7 hadoŭ. U śniežni žančynu zatrymali ŭ kvatery i na troje sutak źmiaścili ŭ izalatar.
Sudovy vyrak Anastasija Kałamiejčanka budzie abskardžvać.