«Frakcyja budzie patrabavać tłumačeńniaŭ». Va ŭkrainskaj kirujučaj partyi adreahavali na sustreču jaje deputata z Łukašenkam
Sustreča deputata Słuhi naroda z Alaksandram Łukašenkam — jahonaja asabistaja inicyjatyva, jon nie pradstaŭlaje Ukrainu. Frakcyja zapatrabuje ad jaho tłumačeńniaŭ, paviedamiŭ LIGA.net namieśnik kiraŭnika frakcyi Alaksandr Karnijenka.
Jon skazaŭ, što Šaŭčenka nie byŭ delehavany partyjaj Słuha naroda, MZS abo ofisam prezidenta na praviadzieńnie jakich-niebudź pieramoŭ z aficyjnymi asobami Biełarusi. Šaŭčenka taksama nie ŭvachodzić u skład parłamienckaj delehacyi ŭ Biełarusi.
«Adpaviedna, usie sustrečy, jakija jon pravodzić abo budzie pravodzić, źjaŭlajucca jaho asabistaj inicyjatyvaj. Jon dziejničaje jak pryvatnaja asoba, a nie pradstaŭnik dziaržavy», — skazaŭ Karnijenka.
«Čakajecca, što frakcyja budzie patrabavać ad spadara Šaŭčenki tłumačeńniaŭ pa jaho viartańni», — skazaŭ Karnijenka.
Ukraina nie pryznaje Łukašenku lehitymnym prezidentam Biełarusi.
U śniežni 2020-ha Šaŭčenka sustrakaŭsia z Andrejem Savinych, a ŭ lutym 2021-ha pachvaliŭsia vizitam na «Usiebiełaruski narodny schod».