U Rasii namiaknuli, što Čechija sama vinavataja ŭ vybuchach na składach
Ułady Čechii svaimi abvinavačvańniami ŭ adras Maskvy pa vybuchach na składzie bojeprypasaŭ u 2014 hodzie zhańbilisia na ŭvieś śviet. Ab hetym zajaviła aficyjny pradstaŭnik MZS Rasii Maryja Zacharava.
«Heta absalutny tupik, u jaki ŭrad Čechii siabie zahnaŭ sam. Mała taho, heta haniebny tupik, tamu što heta sapraŭdy hańba na ŭvieś śviet — toje, što jany zładzili», — skazała Zacharava.
«U chodzie rasśledavańnia vyśvietliłasia fantastyčnaja reč: hietman Źlinskaha kraju nie viedaŭ, što z 2006 hoda skład nie vykarystoŭvajecca armijaj, a Minabarony Čechii zdaje pamiaškańnie składa pryvatnym kampanijam, jakija handlujuć zbrojaj. Ujaŭlajecie, vialikaja kolkaść zbroi na składach, z 2006 pa 2014 hady, vosiem hadoŭ, naohuł bieź niejkaha kantrolu z boku češskich uładaŭ».
Jana zajaviła, što nibyta pra heta nie było viadoma češskamu hornamu ŭpraŭleńniu, jakoje pavinna ažyćciaŭlać pravierki vybuchoŭki na składzie, palicyja ich taksama nie pravodziła, i na składach «parušalisia ŭsie normy biaśpieki».
Taksama Zacharava adznačyła, što za siem hadoŭ z momantu vybuchu ŭłady Čechii nie zmahli adkazać ni na pytańnie, chto vinavaty, ni na pytańnie, što adbyłosia tady na składzie. Jana dadała, što pa hetaj spravie amal niama aficyjnych materyjałaŭ.
Pradstaŭnik MZS dadała, što abvinavačvańni Čechii tłumačacca nieabchodnaściu «niešta pradjavić» ludziam. Pa jaje słovach, fihurantam spravy ab vybuchach pahražali vialikija terminy.
«Ludziam treba było niešta pradjavić — znajšli Piatrova i Bašyrava», — zajaviła jana.