Prezident Čada abviaściŭ siabie maršałam i pamior ad atrymanych u bai ranieńniaŭ. Jon kiravaŭ krainaj 30 hadoŭ
Staŭlenik Francyi, jon aŭtarytarna kiravaŭ adnoj z najbiadniejšych krain śvietu.
Prezident Čada Idrys Debi, jaki kiravaŭ hetaj afrykanskaj dziaržavaj z 1990 hoda, pamior ad ranieńniaŭ, atrymanych u bai z paŭstancami.
Idrysu Debi było 68 hadoŭ. Jon kiravaŭ krainaj z 1990 hoda, pryjšoŭšy da ŭłady ŭ vyniku ŭzbrojenaha pieravarotu. U 1991 hodzie byŭ abrany prezidentam Čada i z tych časoŭ pieraabiraŭsia na hetuju pasadu na kožnych prezidenckich vybarach.
Apošnija vybary prajšli ŭ Čadzie 11 krasavika. Vyniki pakazali, što Idrys Debi pieramoh na vybarach, nabraŭšy 79% hałasoŭ.
U 2020 hodzie Debi atrymaŭ zvańnie maršała.