Da dvuch hadoŭ chimii: u Biełarusi dla biaspraŭnikaŭ chočuć uvieści kryminalnuju adkaznaść
Adpaviedny prajekt zakona prapanavaŭ Saviet ministraŭ, paviedamlaje Tut.by.
Zhodna z prajektam zakona «ab źmienie kodeksaŭ pa pytańniach kryminalnaj adkaznaści», Kryminalny kodeks prapanujecca dapoŭnić artykułam 3172 (kiravańnie transpartnym srodkam asobaj, jakaja nie maje prava kiravańnia):
1. Kiravańnie transpartnym srodkam asobaj, jakaja nie maje prava kiravańnia hetym srodkam, kali heta dziejańnie ździejśniena nieadnarazova (pakarańnie — hramadskija pracy, abo štraf, abo papraŭčyja raboty na termin da šaści miesiacaŭ, abo aryšt z pazbaŭleńniem prava zajmać peŭnyja pasady abo zajmacca peŭnaj dziejnaściu abo biez pazbaŭleńnia).
2. Dziejańnie, učynienaje asobaj, jakaja raniej zrabiła złačynstva, praduhledžanaje hetym artykułam, budzie karacca štrafam, abo papraŭčymi rabotami na termin da dvuch hadoŭ, abo aryštam, abo abmiežavańniem voli na termin da dvuch hadoŭ z pazbaŭleńniem prava zajmać peŭnyja pasady abo zajmacca peŭnaj dziejnaściu.
U dakumiencie taksama tłumačycca paniaćcie nieadnarazova. Kali ścisła, to pieršy i druhi raz na praciahu hoda za jazdu biez pravoŭ buduć pryciahvać da administracyjnaj adkaznaści pa č.1 i č. 2 art. Dalej, kali ździejśnić heta ž pravaparušeńnie na praciahu hoda hoda paśla pryciahnieńnia za paŭtornaść — pačynaje pracavać paniaćcie nieadnarazova: na pieršy raz — heta č. 1 novaha artykuła, na druhi — častka 2.
31 studzienia 2018 hoda ŭstupili ŭ siłu źmieny ŭ KaAP. U pryvatnaści, jany zrabili bolš žorstkaj adkaznaść za paŭtornaje kiravańnie transpartnym srodkam biez pravoŭ. Adpaviednaja artykuł była dapoŭniena takoj mieraj uździejańnia, jak administracyjny aryšt (da 15 sutak)