Nazvanyja dźvie viersii avaryi na vodapravodzie ŭ Čyžoŭcy
Pra heta paviedamiŭ namieśnik staršyni Minharvykankama: Alaksandr Darachovič, paviedamlaje telehram-kanał «Minsk. Aficyjna».
«Papiarednija viersii — dźvie. Heta paškodžańnie trubapravoda pry vykanańni budaŭniča-mantažnych rabot. Na budaŭničym abjekcie, dzie i adbyłasia avaryja, pravodzilisia budaŭniča-mantažnyja raboty. Miarkujecca, što pracy mahli vykonvacca biez vykanańnia rehłamientu. Druhaja viersija — nizkija ekspłuatacyjnyja charaktarystyki mietału (čyhunu), jakija pryviali da paskoranaha znosu trubapravoda», — skazaŭ Darachovič.
Jon dadaŭ, što rabić vysnovy zaŭčasna, vyvučajecca situacyja.
«Uziali videa z kamier handlovaha centra, raźmieščanaha pobač ź miescam avaryi, vykarystoŭvajem jaho dla ŭstanaŭleńnia pryčyn. Treba budzie abjektyŭna razabracca ŭ tym, što adbyłosia, kab nie dapuskać takich situacyj nadalej», — reziumavaŭ Darachovič.