Łukašenka adznačyŭ «vialikuju čałaviečuju notku» ŭ pasłańni Pucina
Alaksandr Łukašenka adznačyŭ «vialikuju čałaviečuju notku» ŭ pasłańni prezidenta Rasii Uładzimira Pucina Fiederalnamu schodu. Ab hetym jon zajaviŭ siońnia ŭ Kramli na sustrečy z rasijskim lidaram, pieradaje BiełTA.
«Pa-pieršaje, chaču pavinšavać vas sa skančeńniem čarhovaha prezidenckaha, vielmi ciažkaha, vostraha, ja b skazaŭ, pieryjadu. A štohadovaje pasłańnie prezidenta — heta zaŭsiody vialikaja praca. Heta praca vielmi mnohich ludziej. Ale ŭsio roŭna nahruzka kładziecca na prezidenta. Jamu vyznačać, jakim pavinna być pasłańnie. My zaŭvažyli vialikuju čałaviečuju notku hetaha pasłańnia. Absalutna zhodny z tymi vysnovami, jakija byli zroblenyja. Asabliva padtrymlivaju toj nachił, jaki byŭ vami ŭziaty ŭ hetym pasłańni — mienavita čałaviek», — skazaŭ biełaruski palityk.
Alaksandr Łukašenka źviarnuŭ uvahu, što krainy sutykajucca z padobnymi prablemami ŭ pytańni demahrafii, tamu važna prymać miery dla pavyšeńnia naradžalnaści, padtrymki šmatdzietnych siemjaŭ. «My majem prykładna tuju ž padtrymku, zabiaśpiečvajem padtrymku ludziam, šmatdzietnym asabliva. Heta pryjarytet našaj krainy. Tamu ŭ nas heta ŭspryniata z adabreńniem», — adznačyŭ Łukašenka.