Jašče dźviuch advakatak pazbavili licenzii
Kvalifikacyjnaja kamisija pa pytańniach advakackaj dziejnaści praviała 21 krasavika pazačarhovuju atestacyju advakatak Hanny Vaŭčynskaj i Śviatłany Chałałovič, pa vynikach jakoj licenzii žančyn na prafiesijnuju dziejnaść byli spynienyja, paviedamlaje spring96.org.
Padstavaj dla praviadzieńnia pazačarhovaj atestacyi pasłužyli «fakty nienaležnaha vykanańnia advakatami svaich prafiesijnych abaviazkaŭ, vyjaŭlenyja pa vynikach razhladu skarhaŭ hramadzian na dziejańni advakataŭ, a taksama padčas vybaračnaj pravierki dziejnaści Mienskaj abłasnoj kalehii advakataŭ, praviedzienaj Ministerstvam justycyi».
Hanna Vaŭčynskaja maje 27 hadoŭ vopytu pracy ŭ advakatury, a Śviatłana Chałałovič — 19 hadoŭ.