U Izraili ŭpieršyniu za 10 miesiacaŭ niama nivodnaj śmierci ad kavidu za sutki
U Izraili, jaki lidziruje ŭ śviecie pa tempach vakcynacyi suprać COVID-19, za minułyja sutki ŭpieršyniu za 10 miesiacaŭ nie zarehistravali nivodnaj śmierci ad karanavirusa, piša Times of Israel.
Papiaredni raz pra sutki bieź śmiarotnych vypadkaŭ ad COVID u Izraili paviedamlali 29 červienia 2020 hoda. U kancy studzienia naziraŭsia pik epidemii.
Za minułyja sutki, 22 krasavika 2021 hoda, u Izraili zrabili 35 027 testaŭ na karanavirus, ź jakich tolki 129 byli stanoŭčymi (0,4%).
Ahulnaja kolkaść chvorych ciapier pamienšyłasia da 1 897 čałaviek, 160 pacyjentaŭ znachodziacca ŭ ciažkim stanie, u tym liku 97 — na aparatach štučnaj vientylacyi lohkich.
Z pačatku pandemii ŭ Izraili vyjavili 837 870 vypadkaŭ COVID-19, ź ich 6346 stali śmiarotnymi.