168 dzion u kosmasie: karabiel Iłana Maska Crew Dragon z astranaŭtami viarnuŭsia na ziamlu
Viartańnie astranaŭtaŭ — paśpiachovaje zaviaršeńnie misii Crew-1, pieršaha piłatavanaha palotu aparata da MKS.
Kaśmičny aparat Crew Dragon z čatyrma astranaŭtami na borcie paśpiachova pryvadniŭsia ŭ Mieksikanskim zalivie.
Pra heta paviedamlaje NASA.
Astranaŭty Majkł Chopkins, Viktar Hłovier, Šenan Uokier ad NASA i Soičy Nohučy ź Japonskaha ahienctva aerakaśmičnych daśledavańniaŭ (JAXA) praviali ŭ kosmasie 168 dzion, z 16 listapada 2020 hoda. Ich viartańnie — zaviaršeńnie misii Crew-1, pieršaha niatestavaha piłatavanaha palotu aparata da Mižnarodnaj kaśmičnaj stancyi (MKS).
U 03:35 pa minskim časie karabiel adstykavaŭsia ad MKS i ŭziaŭ kurs na Ziamlu. Daroha dadomu zaniała kala siami hadzin.
Paśla pryvadnieńnia kapsułu z astranaŭtami padniało pošukava-vyratavalnaje sudna GO Navigator.
Viartańnie kaśmičnaha aparata adbyvałasia nočču i stała dla NASA pieršym načnym pryvadnieńniem z 1968 hoda, kali karabiel «Apałon-8» viarnuŭsia ź pieršaj misii.
Crew Dragon — heta pieršy pryvatny piłatavany karabiel vytvorčaści kampanii SpaceX Iłana Maska.