Jašče adzin rehijanalny čat pryznali ekstremisckim
Pa inicyjatyvie prakuratury Smarhonskaha rajona telehram-kanał «Smarhoń čat» pryznany ekstremisckim, paviedamlaje miascovy «Śvietły šlach».
7 maja sud Smarhonskaha rajona pryznaŭ infarmacyjnuju pradukcyju telehram-kanała ekstremisckimi materyjałami. Zajavu ŭ sud dasłała prakuratura Smarhonskaha rajona.
Paviedamlajecca, što infarmacyjnaja pradukcyja ŭ telehram-kanale «Smarhoń čat» utrymlivaje zakliki da niezakonnaj zabastoŭcy, niesankcyjanavanych masavych mierapryjemstvaŭ, hvałtoŭnych dziejańniaŭ u adnosinach da supracoŭnikaŭ siłavych struktur, masavych biesparadkaŭ, chulihanskich dziejańniaŭ, supraciŭleńnia supracoŭnikam siłavych struktur, a taksama ŭtrymlivaje abrazy, pahrozy žyćciu i zdaroŭju supracoŭnikam siłavych struktur.