Minčuk pasvaryŭsia ź dziaŭčynaj i vyrašyŭ spahnać złość na čužoj mašynie
Minčanin pasvaryŭsia ź dziaŭčynaj i vyrašyŭ spahnać złość na čužym aŭto. Słužbovy aŭtamabil siłavikoŭ, jakija prybyli na miesca zdareńnia, taksama paciarpieŭ, paviedamili ŭ HUUS Minharvykankama.
Dadzieny incydent zdaryŭsia ŭ pačatku krasavika biahučaha hoda. Vidavočcy ŭ dvary adnaho z žyłych damoŭ stalicy patelefanavali ŭ milicyju i raspaviali, što małady čałaviek skača pa łabavym škle mašyny.
Na miesca zdareńnia apieratyŭna vybyŭ narad milicyi. Vyśvietliłasia, što chłopiec pjany. Pry zatrymańni jon pavodziŭ siabie ahresiŭna i navat paškodziŭ słužbovy aŭtamabil supracoŭnikaŭ MUS, raźbiŭšy zadniaje bakavoje škło nahami.
Paźniej minčanin raspavioŭ supracoŭnikam milicyi, što ŭžyvaŭ śpirtnyja napoi ŭ kampanii. Z-za hetaha ŭ jaho ŭźnik kanflikt z kachanaj. U paryvie hnievu jon zaskočyŭ na aŭto i dvuma nahami skoknuŭ na łabavoje škło.