Vakcynavanym žycharam ZŠA dazvolili nie nasić maski i nie trymać dystancyju
Centry pa kantroli i prafiłaktycy zachvorvańniaŭ ZŠA (CDC) dazvolili žycharam krainy, jakija całkam prajšli vakcynacyju suprać karanavirusa, admovicca ad našeńnia masak i prytrymlivańnia dystancyi na vulicy i ŭ pamiaškańniach.
Luby, chto całkam vakcynavany, moža ŭdzielničać u mierapryjemstvach u pamiaškańni i na dvare biez maski abo fizičnaha dystancyjavańnia.
Pry hetym amierykancy, jakija zaviaršyli vakcynacyju, pavinny praciahvać nasić maski i trymać dystancyju, kali hetaha patrabujuć fiederalnyja abo terytaryjalnyja zakony, a taksama praviły miascovaha biznesu. Taksama jany pavinny nasić maski ŭ hramadskim transparcie, u aeraportach i na vakzałach.
Ciapier u ZŠA adobrany try vakcyny: Pfizer abo Moderna, jakija patrabujuć uviadzieńnia dvuch doz, i Johnson & Johnson, jakaja praduhledžvaje ŭviadzieńnie adnoj dozy.
Na dadzieny momant chacia b adnu dozu vakcyny atrymali 154 miljony žycharoŭ krainy (46% nasielnictva). Całkam vakcynavanymi ličacca 117,6 miljona čałaviek (35% nasielnictva).