U Raterdamie startuje Jeŭrabačańnie. Bieź Biełarusi
Mižnarodny piesienny konkurs «Jeŭrabačańnie-2021» aficyjna startavaŭ 16 maja 2021 hoda ŭ Raterdamie. Adnak uziać udzieł va ŭračystaj cyrymonii ŭ Niderłandach z-za karanavirusa zmahli 34 krainy z 39.
Udzielnica z Aŭstralii, śpiavačka Manteń nie zmahła prybyć na «Jeŭrabačańnie» z-za karanavirusa, jana zapisała videazvarot.
Akramia taho, cyrymonija adkryćcia prajšła biez delehataŭ ź Isłandyi i Polščy, va ŭdzielnikaŭ testy pakazali stanoŭčy vynik. Taksama na samaizalacyju syšli vykanaŭcy z Rumynii i Malty, jakija pražyvali ź imi ŭ adnym hateli.
Paŭfinały projduć 18 i 20 maja, finał — 22 maja.