Žurnalista Dabratvora nie zatrymlivali, jaho dapytvali ŭ SK
abnoŭlena
Ranicaj telehram-kanały paviedamili pra zatrymańnie žurnalista-fryłansiera Illi Dabratvora, adnak hetaja infarmacyja nie adpaviadaje rečaisnaści. U toj samy čas mužčyna znachodziŭsia na dopycie ŭ Śledčym kamitecie Zavodskaha rajona Minska.
Sam Dabratvor kaža, što nikomu nie telefanavaŭ ab ułasnym zatrymańni. Tamu, chutčej za ŭsio, adbyŭsia niejki ŭkid infarmacyi.
U SK Dabratvora vyklikali pa kryminalnaj spravie adnosna psavańnia majomaści. Sprava ŭ tym, što chtości ŭ padjeździe doma na vulicy Arcioma nalapiŭ partrety palitviaźniaŭ. U spravie pakul niama abvinavačanych.