Novy zakon: milicyja nie niasie adkaznaści za škodu ad vykarystańnia zbroi
Alaksandr Łukašenka padpisaŭ zakon «Ab źmianieńni zakonaŭ pa pytańniach nacyjanalnaj biaśpieki Respubliki Biełaruś», piša BiełTA.
U zakonie ŭ tym liku kankretyzujucca padstavy dla praviadzieńnia asabistaha nadhladu hramadzian, nadhladu rečaŭ, transpartnych srodkaŭ. Naprykład, stanovicca mahčymym praviadzieńnie takoha nadhladu pry zatrymańni.
Novym zakonam udakładniajucca ŭmovy i miežy prymianieńnia fizičnaj siły, śpiecyjalnych srodkaŭ, zbroi, bajavoj i śpiecyjalnaj techniki.
Praduhledžvajecca, što supracoŭniki milicyi nie niasuć adkaznaści za škodu, pryčynienuju ŭ vyniku ich prymianieńnia, kali takoje prymianieńnie ažyćciaŭlałasia ŭ adpaviednaści z patrabavańniami zakanadaŭčych aktaŭ, što rehulujuć dziejnaść hetych orhanaŭ. Akramia taho, orhany ŭnutranych spraŭ nadzialajucca pravam prymianiać bajavuju i śpiecyjalnuju techniku pry spynieńni masavych biesparadkaŭ.
Supracoŭnikam orhanaŭ unutranych spraŭ dajecca prava zabaraniać hramadzianam ažyćciaŭleńnie videazapisu, kina- i fotazdymki dla praviadzieńnia pracesualnych dziejańniaŭ, zabieśpiačeńnia hramadskaha paradku, asabistaj i hramadskaj biaśpieki; vieści huka- i videazapis navakolnaj abstanoŭki, u tym liku hramadzian, pry vykanańni słužbovych abaviazkaŭ.
Asnoŭnyja pałažeńni zakona ŭstupajuć u siłu praź miesiac paśla jaho aficyjnaha apublikavańnia.