U Brazilii znajšli raznavidnaść karanavirusa nieviadomaha pachodžańnia
Daśledčyki Univiersiteta San-Paŭłu vyjavili novuju raznavidnaść karanavirusa SARS-CoV-2 i zajavili, što jon chutka pašyrajecca ŭ Brazilii.
Pra heta paviedamlaje Globo sa spasyłkaj na vice-prezidenta brazilskaha Tavarystva virusałohii Žaao Piesoa Araužu Žunijora, piša TASS.
«Varyjant P4 maje nieviadomaje pachodžańnie. Upieršyniu jaho vyjavili va ŭzory z Makoka, municypaliteta ŭ San-Paŭłu, paśla čaho jon atrymaŭ pašyreńnie ŭ Portu-Fierejry. Vyznačyć, ci źjaŭlajecca jon bolš zaraznym abo niebiaśpiečnym, čym zvyčajny virus, pakul niemahčyma», — piša vydańnie.
Adznačajecca, što novy varyjant R4 maje ahulnaje pachodžańnie z «brazilskimi» štamami R1 i R2 i raspaŭsiudžanym na Filipinach R3 — usie jany ź linii B.1.1.28.
Pa słovach Araužo Žunijora, pryznać ciapier najaŭnaść novaha varyjanta ŭ krainie važna, pakolki jon chutka pašyrajecca ŭ rehijonie i ŭžo znojdzieny ŭ dzieviaci municypalitetach San-Paŭłu.
«Jon pašyrajecca ŭ asiarodździ, dzie pieravažaje P1 i «brytanski» varyjant, ale nas vielmi turbuje jaho chutkaje raspaŭsiudžvańnie», — dadaŭ virusołah.
Źviestki daśledavańniaŭ Univiersiteta San-Paŭłu pieradali ŭ GISAID — mižnarodnuju inicyjatyvu volnaha dostupu da infarmacyi ab hienomach hrypu i karanavirusa. Tam jamu dali imia P4.