Šviecyja adklikała ŭ «Biełavija» dazvoł na paloty
Pryčynaj pryniaćcia hetaj pastanovy nazvali incydent z ekstrannaj pasadkaj samalota Ryanair 23 maja ŭ Minsku, piša TASS.
Šviedskaje ŭpraŭleńnie transpartu pastanaviła časova admianić dazvoł na vykanańnie palotaŭ pamiž Šviecyjaj i Biełaruśsiu nacyjanalnaj biełaruskaj avijakampanii «Biełavija».
U jakaści pryčyn nazvali incydent z ekstrannaj pasadkaj samalota irłandskaj avijakampanii Ryanair 23 maja ŭ Minsku i «biaśpieku hramadzianskaj avijacyi».
«Heta prafiłaktyčnaje rašeńnie. U ciapierašniaj situacyi my nie bačym harantavanaha biaśpiečnaha kiravańnia rucham transpartu, — padajucca ŭ paviedamleńni słovy kiraŭnika adździeła sudnachodstva i avijacyi Hunara Junhbierha. — My vydatna razumiejem, što heta moža stvaryć prablemy dla padarožnikaŭ. Ale biaśpieka pasažyraŭ važniejšaja za ŭsio, tamu my vyrašyli časova spynić paloty».