Praviali pieratrus u Hienadzia Kaśjana — rodnaha brata palitźniavolenaj hramadzianki Šviejcaryi Natalli Chierše
Pa słovach mužčyny, 25 maja da jaho prychodzili ź pieratrusam načalnik kryminalnaha vyšuku i dva apierupaŭnavažanyja. Paviedamili, što Hienadź Kaśjan źjaŭlajecca padazravanym pa artykule 341 Kryminalnaha kodeksa — apahańvańnie budynkaŭ i psavańnie majomaści, piša «Rehijanalnaja hazieta».
Hienadź sa svaimi dziećmi Kaciarynaj i Daniiłam i siastroj Natallaj napiaredadni jaje zatrymańnia, rh.by
Mužčynu padazrajuć u tym, što jon razmalavaŭ Dom bytu na vulicy Budaŭnikoŭ u Maładziečnie.
— U mianie ničoha nie znajšli. Zabrali smartfon. Jedu da advakata, — paviedamiŭ Hienadź siońnia ranicaj.
Maładziečaniec Hienadź Kaśjan — rodny brat palitźniavolenaj hramadzianki Šviejcaryi Natalli Chierše, jakaja atrymała dva z pałovaj hady za bałakłavu, źniatuju z amapaŭca. Doŭhi čas Hienadź pracavaŭ doktaram u Maładziečnie, a ciapier — rabotnik farmaceŭtyčnaj kampanii.