Łukašenka pra infarmacyju ab miniravańni samalota Ryanair: CHAMAS, nie CHAMAS — heta siońnia nie maje značeńnia
Vystupajučy siońnia ŭ Avalnaj zale Doma ŭrada Alaksandr Łukašenka prakamientavaŭ infarmacyju ab miniravańni samalota Ryanair.
Cihnał ab miniravańni samalota byŭ atrymany z-za miažy — sa Šviejcaryi. Prytym paviedamleńnie pastupiła ŭ aeraporty Afin, Vilni i Minska adnačasova. Biełaruski bok apieratyŭna davioŭ infarmacyju da ekipaža samalota ŭ adpaviednaści ź mižnarodnymi praviłami.
«Bo ŭ hety čas samalot pierasiok miažu Biełarusi i znachodziŭsia ŭ našaj pavietranaj prastory. My daviali hetuju infarmacyju da piłotaŭ samalota, vymušanyja byli jaje apublikavać. CHAMAS, nie CHAMAS — heta siońnia nie maje značeńnia. U ekipaža byŭ čas, kab pryniać rašeńnie. U nas u pavietry pad pahrozaj znachodzilisia 123 pasažyry z roznych krain i 6 čalcoŭ ekipaža. U rajonie palotaŭ raźmieščana BiełAES. Pablizu jaje i adbyŭsia razvarot hetaha samalota. A kali b raptam… Nam što, mała Čarnobyla? A jak by ŭ takoj situacyi reahavali ZŠA z ulikam svajho sumnaha dośviedu?» — skazaŭ Łukašenka.
U paniadziełak Ministerstva transpartu i kamunikacyj Biełarusi zajaviła, što paviedamleńnie pra pahrozu vybuchu pryjšło ad imia sałdat CHAMAS. U svaim liście jany nibyta patrabavali ad Jeŭrasajuza spynić padtrymlivać dziejańni Izraila. U CHAMAS abvierhli svaju datyčnaść da pahrozaŭ padarvać samalot.