Niamieckija dziejačy kultury patrabujuć «nieadkładnaha vyzvaleńnia» Ramana Pratasieviča
Asacyjacyja niamieckich vydaŭcoŭ i knihahandloŭcaŭ stvaryła pietycyju, dzie asudžaje niezakonnaje zatrymańnie Ramana Pratasieviča.
Raman Pratasievič, fota «Viasny»
«Vykradańnie biełaruskaha błohiera i jaho dziaŭčyny — heta nieprymalnaje ŭmiašalnictva ŭ žyćcio dvuch maładych ludziej i surjoznaje parušeńnie svabody słova», — adznačaje kiraŭnik asacyjacyi Alaksandr Skipis.
Pietycyju padtrymali PEN-centr Niamieččyny, Adukacyjny centr Hanny Frank, Sajuz niamieckich piśmieńnic i piśmieńnikaŭ i Frankfurtski knižny kirmaš.
Asacyjacyja niamieckich vydaŭcoŭ i knihahandlaroŭ taksama źviarnułasia da fiederalnaha ŭrada z prośbaj prytrymlivacca svajho kursu i praciahvać vystupać za svabodu słova ŭ Biełarusi, piša niamieckaje vydańnie Der Spiegel.