Łukašenka: Dziejańni Zachadu — heta sproba daciahnucca da Rasii i prybrać kankurenta ŭ asobie Biełarusi
Pra heta Alaksandr Łukašenka zajaviŭ, vystupajučy pierad rabotnikami «Hranitu» ŭ Mikaševičach, piša BiełTA.
BiełTA
«Treba sabracca, vystajać. Vy bačycie, što pajšoŭ vielizarny nakat. Nakat na Rasiju, ale praz nas nie pieraskočyš. A Ukrainaj my nie možam stać. My nie možam vajavać suprać Rasii, ruskich ludziej. Heta našy ludzi. Tamu i idzie hety nakat», — skazaŭ Alaksandr Łukašenka.
Druhaja pryčyna niedružalubnych dziejańniaŭ z boku Zachadu ŭ kankurencyi, adznačyŭ jon.
«Jany ž našy kankurenty, i heta naturalna. Śviet u minułym hodzie zvuziŭsia na fonie hetaha kavidu, i miesca ŭsim nie chapaje. Tamu treba vystajać, čaho b heta ni kaštavała. Što tyčycca ŭrada, prezidenta, vy za nas nie chvalujciesia: my svaju pracu zrobim. Ale kožny pavinien razumieć, što prosta nie budzie. Heta, pierš za ŭsio, zvyčajnaja kankurencyja», — padkreśliŭ Alaksandr Łukašenka.
Pa jaho słovach, hetym tłumačacca i sankcyi, uviedzienyja suprać «Biełavija».