Za sutki na miažy Litvy i Biełarusi zatrymanyja 52 nielehalnyja mihranty. Pieravažna ź Siryi i Iraka
Za minułyja sutki na miažy Litvy ź Biełaruśsiu zatrymanyja niekalki hrup nielehalnych mihrantaŭ — u cełym litoŭskija pamiežniki zatrymali 52 zamiežnikaŭ, piša Delfi.lt.
Dźvie hrupy mihrantaŭ byli zatrymanyja na tak zvanaj Dzievianišskaj piatli ŭ Salečnickim rajonie. Dzievianišskaja piatla amal z usich bakoŭ akružanaja biełaruskaj terytoryjaj, na jaje možna trapić pa adzinaj darozie.
Vysačyć hetych mihrantaŭ dapamahli kinołahi, byŭ viertalot i bieśpiłotnik. Bolšaść ź ich paprasili prytułku ŭ Litvie.
Pieršaja hrupa z 19 čałaviek była zatrymanaja litoŭskimi pamiežnikami ŭ čaćvier, kala vioski Hirdžunaj Salečnickaha rajona, ślady viali ź Biełarusi ŭ Litvu. U zatrymanych nie było nijakich dakumientaŭ, jany pradstavilisia hramadzianami Siryi i Iraka, paprasili prytułku ŭ Litvie.
Druhaja hrupa z 26 mihrantaŭ była zatrymanaja ŭ noč na piatnicu, kali byli vyjaŭlenyja ślady kala vioski Dajlidy. Zatrymanyja taksama byli biez dakumientaŭ i pradstavilisia hramadzianami Siryi i Iraka.
Taksama byli zatrymanyja niekalki paasobnych nielehałaŭ.