U Miadzielskim rajonie 82-hadovaja vyrašyła pieški viarnucca ŭ Minsk. Jaje znajšli ź pieraachaładžeńniem i pakusanuju nasiakomymi
Žycharka vioski Alžutki źnikła ranicaj u niadzielu. Jana syšła z domu ŭ chałacie i tapačkach ź idejaj viarnucca ŭ Minsk na raniejšaje miesca žycharstva. Ratavalniki MNS i vałanciory pošukava-vyratavalnaha atrada «Anioł» znajšli jaje poźnim viečaram, paviedamlaje mlyn.by.
mlyn.by
Kamandzir «Anioła» Siarhiej Koŭhan raspavioŭ padrabiaznaści:
— My šukali babulu razam z supracoŭnikami MNS. Adzin z vyratavalnikaŭ kala 22:10 vyjaviŭ žančynu niedaloka ad raki Servač, na zabałočanym učastku.
Vyklikaŭ usiudychod «Tynhier» dla evakuacyi piensijanierki.
Pa słovach Siarhieja Koŭhana, babula znachodziłasia za 700 mietraŭ ad doma. U jaje było mocnaje pieraachaładžeńnie, cieła pakusana nasiakomymi.
Piensijanierku daviałosia vynosić na nasiłkach. Zatym jaje advieźli dadomu da svajakoŭ, abkłali butelkami ź ciopłaj vadoj i vyklikali chutkuju dapamohu.