Ejsmant: Vyzvalić siabraŭ Sajuza palakaŭ u Łukašenki prasiŭ Nazarbajeŭ
Pres-sakratarka Łukašenki Natalla Ejsmant prakamientavała BiełTA situacyju z vyzvaleńniem troch členaŭ Sajuza palakaŭ.
«Pamiatajecie razmovu prezidenta Biełarusi ź pieršym prezidentam Kazachstana Nursułtanam Abišavičam Nazarbajevym? Jana adbyłasia ŭ siaredzinie krasavika. Dyk voś pytańnie vyzvaleńnia niekatorych dziejačaŭ biełaruskaha Sajuza palakaŭ abmiarkoŭvałasia mienavita tady. I mienavita Nursułtan Abišavič za ich prasiŭ, paśla čaho było pryniata hetaje rašeńnie. A voś na polskaj hetaje pytańnie prezident Biełarusi nie abmiarkoŭvaŭ ni z kim i nikoli», — zajaviła Natalla Ejsmant.
Nahadajem, try ź piaci źniavolenych u Biełarusi palakaŭ byli vyviezienyja ŭ Polšču.
Heta palitźniavolenyja Irena Biarnackaja, Maryna Ciškoŭskaja dy Hanna Panišava.
Viarnucca ŭ Biełaruś jany ciapier nie mohuć. Na miažy im dali padpisać adpaviednyja papiery.
Za kratami zastajucca Anžalika Borys i Andrej Pačobut. Pavodle niepaćvierdžanaj infarmacyi, im prapanoŭvali vyzvaleńnie ŭ abmien na vyvaz ź Biełarusi, ale jany admovilisia.