Ad 2 hadoŭ chimii da 8 hadoŭ kałonii. U Babrujsku vynieśli prysud pa spravie ab padpale «Tabakierki»
U sudzie Babrujskaha rajona i horada Babrujska 7 červienia ahučyli prysud pa kryminalnaj spravie ŭ dačynieńni da žycharoŭ horada Alaksandra Nazaroviča, Alaksandra Marjasava, Alaksandra Haŭryłava i Vitala Vasileviča, pišuć pravaabaroncy.
Nahadajem, mužčyn vinavacili pa šerahu artykułaŭ za dziejańni ŭ kastryčniku 2020 hoda: spynieńnie tavarnaha ciahnika (č. 1 art. 342 KK), naniasieńnie čyrvonych pałos na troch biełych rekłamnych łajtboksach (art. 341 KK), prakoł kołaŭ u aŭtamabila supracoŭnika milicyi (č. 3 art. 339 KK), padpał «Tabakierki» (č. 3 art. 218 KK), a taksama za niedaniasieńnie ab viadomym ciažkim ci asabliva ciažkim złačynstvie (č. 2 art. 406) i dziejańni z pradmietami na asnovie vykarystańnia haručych rečyvaŭ (č. 2 art. 295-3).
Abvinavačanyja raspaviali, što paśla zatrymańnia i dastaŭki va UUS nočču 10 kastryčnika ich źbivali niekalki hadzin, prymušajučy zrabić pryznańni na videakamieru.
Na papiarednim pasiadžeńni dziaržabvinavaŭca Natalla Łosieva zaprasiła pazbaŭleńnie voli dla Alaksandra Nazaroviča terminam na 9 hadoŭ va ŭmovach uzmocnienaha režymu, dla Alaksandra Marjasava i Vitala Vasileviča — na 8 hadoŭ va ŭmovach uzmocnienaha režymu, a dla Alaksandra Haŭryłava — na 2 hady va ŭmovach ahulnaha režymu.
Sudździa Dźmitryj Krenžyjeŭski ahučyŭ prysud:
- Alaksandr Nazarovič — 8 hadoŭ kałonii ŭzmocnienaha režymu;
- Vital Vasilevič, Alaksandr Marjasaŭ — 7,5 hoda kałonii ŭzmocnienaha režymu;
- Alaksandr Haŭryłaŭ — 2 hady «chimii».