Na čyhunačnym vakzale možna budzie zrabić PŁR-test
Na čyhunačnym vakzale Minska z 10 červienia zapracuje łabaratoryja pa teściravańni na COVID-19 pasažyraŭ ciahnikoŭ.
Daśledavańni buduć pravodzić u levym kryle budynka vakzała z boku haścinicy pa papiarednim zapisie. Zapis na teściravańnie adkryvajecca pa piatnicach z 9:00 na šeść dzion nastupnaha tydnia (akramia niadzieli). Naprykład, u piatnicu, 11 červienia, a 9:00 adkryjuć zapis na tydzień z 14 pa 19 červienia.
Režym pracy łabaratoryi na terytoryi vakzała: z paniadziełka pa piatnicu — 9:00-18:00, u subotu — 9:00-12:00 z techničnym pierapynkam z 12:00 da 13:00.
Dla praviadzieńnia daśledavańnia treba padać kopiju pašparta (staronka z prapiskaj, staronki 31-33), kopiju bileta abo inšaha dakumienta, jaki paćviardžaje vyjezd, i kvitancyju ab apłacie pasłuhi.