Tata ŭ kałonii, dziadula pakinuŭ pracu dziela ŭnuka. Što viadoma pra chłopčyka, jaki zadušyŭsia šnurkom u łožku
Trahiedyja ŭ Maładziečanskim rajonie, dzie 7 červienia zahinuła adnahadovaje dzicia, zadušyŭšysia ŭ łožku šnurkom, adbyłasia ŭ vioscy Ciurli.
Fota SK
Zahinułaha chłopčyka babula ź dziadulem znajšli ŭ łožku hałavoj u piatli šnurka dla abutku, jaki macavaŭsia da ściany dla ŭstojlivaści kanstrukcyi, paviedamlaje mlyn.by.
Adnaviaskoŭka siamji raspaviała vydańniu, što babula ź dziadulem aformili apiakunstva nad adnahadovym unukam na čas lačeńnia maci. Jana atrymała traŭmy, zvaliŭšysia z čaćviortaha paviercha.
«Babuli ź dziadulem kala 50-60 hadoŭ. Jana pracuje pradaŭcom u kramie ŭ inšaj vioscy. Mužčyna pakinuŭ pracu, kab hladzieć unuka. Heta — baćki taty dziciaci. Sam toj tata adbyvaje pakarańnie za kradziež, sudzimaść nie pieršaja. Pra jaho nie lubiać raskazvać. Taki syn — hora ŭ siamji. A tut jašče i strašnaja śmierć unuka. Za što takoje pakarańnie vydatnym ludziam?» — raspaviała žančyna.
Jana taksama raskazała, što ŭ baćki zahinułaha chłopčyka jość dačka ad pieršaha šlubu. Uzrost dziaŭčynki kala 8-9 hadoŭ. Ź jaje maci mužčyna raźvioŭsia, i ciapier dziaŭčynka redka pryjazdžaje ŭ Ciurli da babuli ź dziadulem, a kaliści jany lubili i vychoŭvali ŭnučku.
— Ja ich vielmi dobra viedaju, mahu paručycca za ich, i mnie ciažka ŭsio heta abmiarkoŭvać. Strašnaja trahiedyja, — skazała surazmoŭca